Glow up

 

 بداية رحلة  Glow UP

 ما كانت “الصحوة” فجأة، ولا كان فيه لحظة وحدة تغيرت فيها حياتي. كانت خطوات صغيرة، متباعدة أحيانًا، لكن كل خطوة كانت تقول لي: أنتِ تستحقين ترجعين لنفسك.” أنا الحين في رحلة مو بس جسدية.. بل نفسية ومهنية بعد. رجعت أدخل النادي،  موعشان أضعف بس، بل عشان أحس بجسمي يتحرك ويقوّى، عشان أعرق من التعب مو من التوتر. رجعت للمستشفيات والعيادات، سويت ليزر، قشور، عناية بالبشرة، بس أهم شيء؟ سويت كل ذا عشاني أنا. مو عشان أنبهر، ولا أحد يلاحظ. عشان ألاحظ أنا. وفي وسط هذا كله؟ أنا أحب شغلي، جدًا. أحبه لأنه يعطيني إحساس بالإنجاز، يحسسني إني أقدر أوازن بين اللي أبغاه واللي لازم أسويه. 

وأطبخ! أحب المطبخ، أحب أطبخ لي أكل أحبه ويحسسني إني أعتني فيّ من جوه قبل برّه. مدونة Self Glow بتكون المساحة اللي أكتب فيها عن هالرحلة. عن الخطوات اللي جربتها، الأشياء اللي نفعَتني واللي ما نفعَت، عن لحظات الضعف والقوة، وعن الحب اللي بديت أعطيه لنفسي. لو كنتِ تمرين بشي مشابه، أو حتى تتمنين تبدأين، هالمدونة ممكن تكون مرآة، أو يد تمسك بيدك وتقول لك: “تعالي، نرجع لأنفسنا سوا.” إلى اللقاء في التدوينة الجاية.

GG

Glow UP#

Self Glow#